ARMDENTAL

Ինչպես ազատվել բերանի      խոռոչի տհաճ հոտից….. 

Որպեսզի ազատվենք տհաճ հոտից

 առաջինը պետք է պարզենք, թե ինչն է դրա պատճառը: Պատճառները կարող են լինել տեղային և ընդհանուր:

         

1.Ծխելը: Պետք է հրաժարվել դրանից:

2.Ախտահարված ատամներ: Դիմել ստոմատոլոգի: Սովորել ճիշտ բերանի խոռոչի հիգիենայի պահպանման ձևերը

 Ա. ճիշտ մաքրել ատամները, լեզուն և այտերը`օրեկան 2  անգամ: 

             

             Բ.օգտագործել ատամնաթելեր` ֆլոսս:   

                                 

Գ. ողողիչներ` էլիկսիռներ, անմիջապես ատամները լվանալուց հետո:

Դ. Մաստակներ առանց շաքարի: Օգտագործել հաց ուտելուց հետո 15-20 րոպե, ոչ ավելին:

3.Ճիշտ սնունդ: Այս դեպքում խոսքը ոչ միայն ճիշտ սննդակարգի մասին է, այլ  սուր, տհաճ հոտ ունեցող ուտելիքի օգտագործումն է հյուր, հանդիպման, դասի կամ ընկերների հետ հավաքույթներից առաջ:Ստոմատոլոգին այցելությունից առաջ խուսափել նման սննդիցJ:   

4.Ընդհանուր հիվանդություններ:

 Այդ ժամանակ բերանի խոռոչից տհաճ հոտի առկայության դեպքում, պետք է վերացնել հիվանդության պատճառն` անցնելով ամբողջական հետազոտություն համապատասխան մասնագետի մոտ, ամեն դեպքում չմոռանալով բերանի խոռոչի հիգիենայի մասին:

Մի քանի ավանդական խորհուրդ բերանի խոռոչից տհաճ հոտի դեպքում

1.Վերցնում ենք թարմ անանուխի 20 տերև կամ 1 ճ.գ. չոր անանուխ, լցնում ենք եռացրած ջուր, սպասում 1 ժամ: Օգտագործում ենք, որպես ողողիչ, օրեկան 3-4 անգամ:

2.Վերցնում ենք 2 ճ.գ. երիցուկ, վրան լցնում ենք 0.5լ  ջուր, եռացնում ենք 5 րոպե: Օգտագործում ենք, որպես թեյ:

3.Հոտի արագ վերացման համար ծամել մի քանի մաղադանոսի տերև, կիտրոնի կեղև կամ բերանում պահել  չոր մեխակ, օրեկան  3-4 անգամ:

  







Նյութը պատրաստել է Անահիտ Դավթյանը: