Ատամների ախտաբանական մաշվածություն
Մարդու կյանքի ընթացքում տեղի է ունենում ատամի էմալի և դենտինի կորուստ, որը սկսվում է անմիջապես ատամի ծկթումից հետո: Այն կարող է լինել ֆիզիոլոգիական և ախտաբանական, որի ժամանակ տեղի է ունենում դենտինի մերկացում:
Ատամների ախտաբանական մաշվածությունը
ատամների կարծր հյուսվածքների հարաճող կորուստն է, որն ուղեկցվում է էսթետիկ (դեմքի ձևի փոփոխություն, քթաշրթունքային և վերկզակային ծալքերի արտահայտվածության մեծացում), ֆունկցիոնալ (ծամողական ակտի դժվարացում), մորֆոլոգիական (ատամների ձևի, չափի փոփոխություն) բնույթի փոփոխություններով ատամնային և շուրջատամանային հյուսվածքում, քունքստործնոտային հոդում և ծամիչ մկանների շրջանում: 
Այն լինում է գեներալիզացված (բոլոր ատամները) կամ լոկալիզացված (մեկ կամ մի քանի ատամներ): Ընթանում է հորիզոնական, ուղղահայաց ուղղություններով կամ խառը ( և հորիզոնական, և ուղղահայաց) տիպով:
Պատճառները կարող են լինել տարբեր. մոր կամ պտղի տարած հիվանդությունները, ժառանգականությունը, նեյրոէնդոկրին փոփոխությունները (թիրեոտոքսիկ զոբ, միքսեդեմա, կերատինիզմ, հիպերթիրոզ, բրուքսիզմ), ատամների մասնակի բացակայությունը, ատամների խրոնիկական տրավման (կոշկակարների, դերձակների, արևածաղիկ և ծխամորճ օգտագործող մարդկանց մոտ, վատ պրոթեզավորում):
Կարող եք նաև դիտել հետաքրքիր տեսանյութը
Նյութը պատրաստեց Հեղինե Մխիթարյանը:
Комментариев нет:
Отправить комментарий