ARMDENTAL

ԷՆԵՐԳԵՏԻԿ ԸՄՊԵԼԻՔՆԵՐԸ ԿԱՐՈՂ ԵՆ ԲԵՐԵԼ ԱՏԱՄՆԵՐԻ ՎԱՂԱԺԱՄ ԿՈՐՍՏԻ

Պարզվում է, որ էներգետիկ ըմպելիքների օգտագործումը բավականին վնասակար է:
Գիտնականները ապացուցել են, որ դեռահասների մոտ, ովքեր սիրում են էներգետիկ ըմպելիքներ, ատամների քայքայումը սկսվում է ընդամենը հինգ օրվա ընթացքում: Ընդ որում ատամի էմալը քայքայվում է մի քանի անգամ ավելի արագ, քան սպորտային ըմպելիքների օգտագործման դեպքում: 

   Ատամի էմալի անվերադարձ վնասների պատճառ են էներգետիկ ըմպելիքի կազմության մեջ մտնող թթուները:
   Էներգետիկ ըմպելիքների բացասական ազդեցությունը ապացուցվել է փորձնական ճանապարհով: Չնայած նրան, որ թթվայնության մակարդակը կախված արտադրանքից և համից տարբեր է` տարբեր ըմպելիքների համար, սակայն էներգետիկ ըմպելիքի վնասի ուժը դրանից  չի  փոխվում և վնասակար հատկությունը չի պակասում:

Մի քանի խորհուրդներ էներգետիկ ըմպելիքներ օգտագործողներին`

1.                  Օրվա ընթացքում պետք է օգտագործել ամենաշատը 2 շիշ էներգետիկ ըմպելիք, եթե Ձեր օրգանիզմի վրա այս չափաբաժինը ազդեցություն չի ունենում, ապա ամենայն հավանականությամբ եկել է էներգետիկ ըմպելիքներից «հանգստի ժամանակը»:

2.                  Երբեք մի համադրեք էներգետիկ ըմպելիքը ալկոհոլի հետ, քանի որ էներգետիկները ակտիվացնում են նյարդային համակարգը, իսկ ալկոհոլը արգելակում է այն: Բացի դրանից էներգետիկները ուժեղացնում են ալկոհոլի թունավոր ազդեցությունը

3.                  Երբեք մի օգտագործեք էներգետիկ ըմպելիքներ մարզվելուց հետո, քանի որ դա էլ ավելի է արագացնում սրտի արդեն արագացած աշխատանքը:

4.                  Եթե Դուք օգտագործում եք էներգետիկ ըմպելիքներ,ապա անպայման ժամանակ առ ժամանակ վերականգնեք օրգանիզմի պահեստային պաշարները, այդ գործում Ձեզ կօգնի լավ սնվելը և խորը քունը:

 

Առողջ եղե°ք:

Նյութը պատրաստեցին Դավիթ Կարապետյանը և Հարություն Սուքասյանը