ARMDENTAL

ԻՆՉՊԵՍ ՃԻՇՏ ՄԱՔՐԵԼ ԱՏԱՄՆԵՐԸ

Կարիեսի ձևավորման հիմնական <<մեղավորները>> հանդիսանում են սսնդի մնացորդները և ատամնափառը:Կարիեսի և լնդերի հիվանդությունների կանխարգելման համար հարկավոր է սննդի մնացորդները և ատամնափառը հեռացնել`

1.ատամի խոզանակի
2.ատամի մածուկի

3.ատամնաթելի

4.բերանի լվացման       օգնությամբ:
Հարկավոր է օրվա ընթացքում ամենաքիչը երկու անգամ լվանալ ատամները ֆտոր պարունակող ատամի մածուկով:
-Առավոտյան նախաճաշից 30 րոպե հետո
-Քնելուց առաջ, վերջին սննդի ընդունումից 30 րոպե հետո

1.Ատամները լվանալուց առաջ հարկավոր է նախ լվանալ ատամի խոզանակը:
2.Խոզանակի վրա տարածել ոչ շատ մեծ քանակությամբ մածուկ:
3.Ատամի խոզանակը պահեք 45 աստիճան անկյան տակ:Կատարեք կարճ շրջանաձև շարժումներ լնդից դեպի ատամի եզրերը:մանրակրկիտ մաքրեք յուրաքանչյուր ատամը:

4.Շրջանաձև շարժումներով մաքրեք ատամի արտաքին մակերեսը:

5.Յուրաքանչյուր ատամի մակերևույթը մաքրեք նաև բերանի խոռոչի կողմից(ներսից):Խոզանակը պահեք ատամի եզրերին ուղղահայց:

 6.կատարելով առաջ-ետ շարժումները`մաքրեք վերին և ստորին ատամնաշարերի ծամող հատվածները:

7.Ավարտեք մաքրումը լնդերի մերսմամբ` փակելով բերանը խոզանակով կատարեք շրջանաձև շարժումներ դիպչելով ատամներին և լնդերին:
8.Մաքրեք լեզուն:Օգտագործեք լեզվի հատուկ մաքրիչներ:Սկսեք լեզվի մաքրումը ետևի կողմից աստիճանաբար տեղափոխվելով դեպի առաջ:
9.Լվացեք ատամի խոզանակը և դրեք տարայի մեջ(գլխիկի կողմը դեպի վեր):
   Ատամները լվանալու ընթացքը պետք է տևի նվազագույնը երեք րոպե:Կարևոր է հիշել,որ բացի ատամի խոզանակով մաքրումից,պետք է ատամները մաքրել նաև ատամնաթելերով:Դրանց օգնությամբ ավելի արդյունավետ է մաքրվում ատամների արանքները:

Կարող եք նայել նաև տեսանյութը ավելի լավ պատկերացնելու համար: 

Նյութը պատրաստեց Հարություն Սուքասյանը:

Խմբագրեց Դավիթ Կարապետյանը: